શિવ સ્તવન December 24, 2006

જય જય ભોલેબાબા હું તારે મંદિર આવ્યો.
તારે મંદિર આવ્યો બાબા તારે દર્શન આવ્યો – જય જય ભોલેબાબા …..

ત્રીજા નેત્રથી મનોજ બાળી અંગે ભસ્મ લગાવ્યો
શિરપર શ્રી ગંગાને સ્થાપી ભાલચન્દ્ર ચમકાવ્યો . – જય જય ભોલેબાબા …..

ડમરું બજાવી શબ્દ બ્રહ્મને બ્રહ્માંડે પ્રગટાવ્યો
નૃત્યરાજ નટરાજ બનીને તાંડવ નૃત્ય રચાવ્યો. – જય જય ભોલેબાબા …..

મહાવિષનું પાન કરીને અમૃત દેવ પિલાયો,
જ્યોતિર્લિંગે પ્રગટ થઇને ભક્ત તણો કર સ્ હાયો . – જય જય ભોલેબાબા …..

ભાંગના ભોગી ભોળા શિવજી ‘મૂળજી’ શરણે આવ્યો,
તવ પદરજ નિજ મસ્તક ધારી અનહદ આનંદ પાયો . – જય જય ભોલેબાબા …..

- મૂળશંકર ત્રિવેદી