કહું છું હું દીલડા કેરી વાત રે. …સુણજે કનૈયા
તું તો છે જગત કેરો તાત રે…સુણજે કનૈયા
મળવાનો દીલમાં બહુ છે ખંત રે …સુણજે કનૈયા
માયા નવ છોડે મારો તંત રે …સુણજે કનૈયા
મારા છે અવગુણ અતિ ઘણા…સુણજે કનૈયા
કામક્રોધ કેરી તો નહી મણા…સુણજે કનૈયા
મોહ ને લોભે વાળ્યો દાટ રે…સુણજે કનૈયા
માયાને જોઇએ સઘળા ઠાઠ રે …સુણજે કનૈયા
માયાએ દીધું મુજને ઝેર જે …સુણજે કનૈયા
માયા કરાવે કાળો કેર રે …સુણજે કનૈયા
અવગુણો સઘળા મારા ટાળજે …સુણજે કનૈયા
માયામાં ફસતાં મુજને વારજે …સુણજે કનૈયા
વળી વળીને વીનવું તુજને ખાસ રે …સુણજે કનૈયા
શરણું લેજે તવ મુળજી દાસ રે …સુણજે કનૈયા
