પગ મને ધોવા દ્યો રઘુરાય, મને શક પડ્યો મનમાંહ્ય …
પગ મને ધોવા દ્યો રઘુરાય, મને શક પડ્યો મનમાંહ્ય …
રામ લક્ષ્મણ જાનકી તીર ગંગાને જાયજી
નાવ માંગી નીર તરવા ગુહ બોલ્યો ગમ ખાઇ …
પગ મને ધોવા દ્યો રઘુરાય, મને શક પડ્યો મનમાંહ્ય …
રજ તમારી કામણગારી મારી નાવ નાર બની જાયજી,
તો તો અમારા રંક જનની આજીવિકા ટળી જાય …
તેથી પગ મને ધોવા દ્યો રઘુરાય, મને શક પડ્યો મનમાંહ્ય …
સુણી વાણી ભીલ જનની જાનકી મુશ્કરાયજી,
અભણ કેવું યાદ રાખે, ઓલ્યા ભણેલા ભૂલી જાયજી …
પગ મને ધોવા દ્યો રઘુરાય, મને શક પડ્યો મનમાંહ્ય …
દિન દયાળુ આ જગતમાં ગરજ કેવી ગણાયજી,
આપ જેવાને ઉભા રાખી પગ પખાળી જાયજી …
પગ મને ધોવા દ્યો રઘુરાય, મને શક પડ્યો મનમાંહ્ય …
નાવડીમાં બાવડી ઝાલી રામની ભીલરાયજી,
પારી ઉતારી પુછ્યુ, તમે શુ લેશો ઉતરાઇ …
પગ મને ધોવા દ્યો રઘુરાય, મને શક પડ્યો મનમાંહ્ય …
નાવની ઉતરાય ના લઈએ, આપણે ધંધા ભાઇ,
કાગ કહે કદી ખારવો ના લીયે, એજી ખારવાની ઉતરાઇ …
પગ મને ધોવા દ્યો રઘુરાય, મને શક પડ્યો મનમાંહ્ય …
- કવિ કાગ
