નાનું સરખું ગોકુળીયું October 28, 2009

નાનું સરખું ગોકુળીયું મારે વિઠ્ઠલે વૈકુંઠ કીધું રે [2]
બ્રહ્માદિકને સ્વપ્ને ન આવે આહિરને દર્શન દીધું રે
– નાનું સરખું

ખટ દર્શનમાં ખોળ્યો ન લાધે મુનિજનને ધ્યાને ના આવે રે [2]
હાથ વલોવે નંદઘેર વ્હાલો વૃંદાવન ધેનુ ચરાવે
– નાનું સરખું

વણકીધે વ્હાલો વરતાં કરે ને પુરણબ્રહ્મ અવિનાશી રે [2]
માખણ કાજે મહીંયારી આગળ ઊભો વદન વકાસી રે
–નાનું સરખું

બ્રહ્માદિક જેનો પાર ન પામે શંકર કરે ખવાસી રે [2]
નરસૈયાનો સ્વામી ભક્તપણે વશ મુક્તિ કરીથી નાશી રે
–નાનું સરખું

By N. Kadakia સ્વર:- ઉદય મઝુમદાર
ૐ નમઃ શિવાય